అలుపెరుగని సైనికులు (పాట)

కొవిడ్ వైరస్ వ్యాప్తి నేపథ్యంలో నేను రాసిన పాట
2020 జూన్ 8 'మనం' దినపత్రికలో ప్రచురితం 

అలుపెరుగని సైనికులు

     ---- డా.రాయారావు సూర్యప్రకాశ్ రావు

           9441046839

పోలీసులు వారు... ఔను

జనం ప్రాణ రక్షకులు

జగము లోన హీరోలు

అలుపెరుగని సైనికులు

రోడ్ల పైన యుద్ధమే

గల్లీల్లో యుద్ధమే

ఎటు చూస్తే అటు యుద్ధం

సమరానికి మరి సిద్ధం

కనిపించని శత్రువుతో

క్షణక్షణం పోరాటం

జనం ఊపిరి నిలవాలని

అనుక్షణం ఆరాటం

పిల్లలేదు- ఇల్లు లేదు

కుటుంబాన్ని మరచినారు

రేయింబవళ్లు వారు

కదనంలో నిలిచారు

తన శ్వాసను అడ్డుపెట్టి

జనం కొరకు పోరాటం

తన చింతను వదిలిపెట్టె

జనమె తనకు ముఖ్యమాయె

కోడి కింద దాచినట్టు

కోతి పొదివి పెట్టినట్టు

జనం గూడు చుట్టూరా

విహంగంగ మారినారు

అంబులెన్సు వెనుక తానె

ఆసుపత్రిలోన తానె

రోడ్డుపైన పోలీసే

అంగడిలో ఆ సారే

ఎటు చూస్తే అటు వారే

ప్రజల ప్రాణ రక్షకులు

ఖాకీ బట్టల్లో వారు

కూరిమితో నిలిచినారు

ఇళ్లలోనె గడపాలి

రోడ్లపైకి రావద్దు

చేతులను తుడవాలి

మూతులను కప్పాలి

దగ్గరగా ఉండొద్దు

ముక్కు, మూతి తాకొద్దు

పోలీసుల మాట

మనకు చద్దన్నం మూట